Sunday, October 28, 2007

دراسة من الخارج

للمهتمين بأحوال السينما المصرية وصلتنى هذه الدراسة عن جامعة جورج واشنطون التى تلقى ضوء وتحلل أسباب عودة ارتفاع معدل الإنتاج من عام ٢٠٠٢ الى ٢٠٠٦ و يحذر من أهمية مراعاة تكاليف الإنتاج للحفاظ علىهذا المعدل ووجدت فى أفيش فيلم يوسف شاهين الأخير تعبير فى حد ذاته يلائم جو السينما اليوم


Growing Pan-Arab Market and Popularity of Egyptian Stars are
Major Reasons for Revival
WASHINGTON - The George Washington University Law School's Creative and Innovative Economy Center (CIEC) released a report today on intellectual property and economic challenges in the Egyptian film industry to members of Geneva's diplomatic community at a conference hosted by the World Intellectual Property Organization's Creative Industries Division.  The study notes that over the past five years, Egypt's annual film production output has increased from 22 feature-length films in 2002 to over 56 production starts in 2006; an increase of 250 percent. 
The study finds a main factor in this spectacular upward curve is the remarkable increase in inward direct investment into Egyptian cinema from the rest of the Arab world, especially Saudi Arabia and the United Arab Emirates, where demand for Arab language-filmed entertainment has been soaring.   CIEC research shows the influx of Saudi/UAE "petrodollars" into the Egyptian film industry over the past five years has swelled production budgets by over 50 percent.
Additionally, the report credits Egypt's tremendous pool of internationally recognized movie stars as another key factor in its success. 
"Egypt is still the dream factory of the Arab world," notes the report's author and CIEC researcher, Bertrand Moullier.  "Despite a considerable loss of production capital and infrastructure over the past 30 years, the existence of a powerful 'star system' gives Egyptian film strong branding at home and in other Arab countries."
The CIEC research also revealed that Egypt has so far been unable to contain the illegal copying and distribution of domestic films.  Anecdotal evidence gathered from legitimate video distributors suggests the rates of piracy in the dominant video compact disc (VCD) format and the more recently introduced digital video disk (DVD), represent well over 90 percent of the market.
Center Director Michael P. Ryan said, "The lack of enforcement of Egyptian IP law, means that this segment of the film value chain represents only a fraction of total film revenues going back to the industry. Egypt must take better control of IP enforcement if true, long-term benefits are to be realized in its film industry."
The study suggests other concerns for the Egyptian film industry.  "Although Egyptian film is enjoying a resurgence," says Moullier, "filmmakers in that country must be careful in how they manage production costs and grow their industry.  The apex of the Egyptian film financing system is pan-Arab broadcast television.  Remove the broadcast market leaders from Egypt and the entire architecture of this fragile economy can be endangered."
والى اللقاء

Tuesday, October 23, 2007

Oscar Buzz

هذه قائمة ال ٦٣ فيلم ل ٦٣ دولة فى مسابقة الأوسكار لأحسن فيلم أجنبى يتم عرضهم على أعضاء الأكاديمية لترشيح خمس أفلام فقط يتم الإعلان عنهم فى ٢٢ يناير ٢٠٠٨
ويعلن عن الفائز فى حفل الأوسكار فى ٢٤ فبراير ٢٠٠٨
فكما يلاحظ قوة المنافسة والحاجة الملحة للدعاية عن كل فيلم
وقد جائتنى دعوة من مهرجان بالمز سبرنج فى كاليفورنيا لعرض الفيلم فى قسم ما يسمونه
Oscar Buzz
لعرض بعض من هذه الأفلام من ٣ الى ١٦ يناير
من ضمن الأفلام المتنافسة أجد أعمال بعض المخرجين الهامين
مثل دينيس أركان من كندا / جيرى مينزل من تشيكوسلوفاكيا
/ جوزيبى ترناتورى من ايطاليا / مانويل دى أليفيرا من البرتغال / أندريه فايدا من بولندا / نيكيتا ميخالكوف من روسيا وغيرهم.
فربما يكفينى تواجد فيلمى وسط هذه المجموعة .

63 Countries Seeking
Foreign Language Film Oscar®

The 2007 submissions are:

Argentina, “XXY,” Lucia Puenzo, director;
Australia, “The Home Song Stories,” Tony Ayres, director;
Austria, “The Counterfeiters,” Stefan Ruzowitzky, director;
Azerbaijan, “Caucasia,” Farid Gumbatov, director;
Bangladesh, “On the Wings of Dreams,” Golam Rabbany Biplob, director;
Belgium, “Ben X,” Nic Balthazar, director;
Bosnia and Herzegovina, “It’s Hard to Be Nice,” Srdan Vuletic,director;
Brazil, “The Year My Parents Went on Vacation,” Cao Hamburger, director;
Bulgaria, “Warden of the Dead,” Ilian Simeonov, director;
Canada, “Days of Darkness,” Denys Arcand, director;
Chile, “Padre Nuestro,” Rodrigo Sepulveda, director;
China, “The Knot,” Yin Li, director;
Colombia, “Satanas,” Andi Baiz, director;
Croatia, “Armin,” Ognjen Svilicic, director;
Cuba, “The Silly Age,” Pavel Giroud, director;
Czech Republic, “I Served the King of England,” Jiri Menzel,director;
Denmark, “The Art of Crying,” Peter Schonau Fog, director;
* Egypt, “In the Heliopolis Flat,” Mohamed Khan, director;
Estonia, “The Class,” Ilmar Raag, director;
Finland, “A Man’s Job,” Aleksi Salmenpera, director;
France, “Persepolis,” Marjane Satrapi, Vincent Paronnaud, directors;
Georgia, “The Russian Triangle,” Aleko Tsabadze, director;
Germany, “The Edge of Heaven,” Fatih Akin, director;
Greece, “Eduart,” Angeliki Antoniou, director;
Hong Kong, “Exiled,” Johnnie To, director;
Hungary, “Taxidermia,” Gyorgy Palfi, director;
Iceland, “Jar City,” Baltasar Kormakur, director;
India, “Eklavya – The Royal Guard,” Vidhu Vinod Chopra, director;
Indonesia, “Denias, Singing on the Cloud,” John De Rantau, director;
Iran, “M for Mother,” Rasoul Mollagholipour, director;
Iraq, “Jani Gal,” Jamil Rostami, director;
Ireland, “Kings,” Tom Collins, director;
Israel, “Beaufort,” Joseph Cedar, director;
Italy, “The Unknown,” Giuseppe Tornatore, director;
Japan, “I Just Didn’t Do It,” Masayuki Suo, director;
Kazakhstan, “Mongol,” Sergei Bodrov, director;
Korea, “Secret Sunshine,” Chang-dong Lee, director;
Lebanon, “Caramel,” Nadine Labaki, director;
Luxembourg, “Little Secrets,” Pol Cruchten, director;
Macedonia, “Shadows,” Milcho Manchevski, director;
Mexico, “Silent Light,” Carlos Reygadas, director;
The Netherlands, “Duska,” Jos Stelling, director;
Norway, “Gone with the Woman,” Petter Naess, director;
Peru, “Crossing a Shadow,” Augusto Tamayo, director;
Philippines, “Donsol,” Adolfo Alix, Jr., director;
Poland, “Katyn,” Andrzej Wajda, director;
Portugal, “Belle Toujours,” Manoel de Oliveira, director;
Puerto Rico, “Love Sickness,” Carlitos Ruiz, Mariem Perez, directors;
Romania, “4 Months, 3 Weeks and 2 Days,” Cristian Mungiu, director;
Russia, “12,” Nikita Mikhalkov, director;
Serbia, “The Trap,” Srdan Golubovic, director;
Singapore, “881,” Royston Tan, director;
Slovakia, “Return of the Storks,” Martin Repka, director;
Slovenia, “Short Circuits,” Janez Lapajne, director;
Spain, “The Orphanage,” J.A. Bayona, director;
Sweden, “You, the Living,” Roy Andersson, director;
Switzerland, “Late Bloomers,” Bettina Oberli, director;
Taiwan, “Island Etude,” Chen Huai-En, director;
Thailand, “King of Fire,” Chatrichalerm Yukol, director;
Turkey, “A Man’s Fear of God,” Ozer Kiziltan, director;
Uruguay, “The Pope’s Toilet,” Enrique Fernandez, Cesar Charlone, directors;
Venezuela, “Postcards from Leningrad,” Mariana Rondon, director;
Vietnam, “The White Silk Dress,” Luu Huynh, director.

Nominations for the 80th Academy Awards will be announced on Tuesday, January 22, 2008, at 5:30 a.m. PT in the Academy’s Samuel Goldwyn Theater.
والى اللقاء

صورة ومناسبة

من النادر ان يجتمع مثل هذا الحشد فى صورة تذكارية
ولن أسهل لكم الإشارة الى من فى الصف الأول أو الثانى
أو الثالث بل سأترك لكم تحديد من وأين
فمن الممثلين ستجدوا
نجلاء فتحى / ليلى علوى / لوسى
يحيى الفخرانى / ممدوح عبد العليم
ومن المخرجين
خيرى بشارة / داوود عبد السيد / عاطف الطيب
رضوان الكاشف / رأفت الميهى / سعيد حامد
ومن النقاد
خيرية البشلاوى / سمير فريد / كمال رمزى
طارق الشناوى
الى جانب
المنتج حسين القلا
الإعلامى حمدى قنديل
السينمائى مدكور ثابت - مخرج ورئيس المركز القومى للسينما فترة ومدير عام الرقابة سابقا.
يتوسطنا وزير الإعلام البحرينى
طارق عبد الرحمن المؤيد
ولكن فى رأى أهم من فى الصورة هو فى الصف
الأخير وأقصى اليسار وراء نظارة شمس
بسام الزويدى
الذى له الفضل فى جمع هذا الحشد
فهذا المخرج البحرينى خريج معهد السينما بمصر
سعى عن طريق نادى البحرين للسينما وتحت رعاية
وزارة الإعلام أن يقيم
أيام السينما المصرية الجديدة
فى اكتوبر ١٩٩٣
ويعد بسام مخرج أول فيلم روائى طويل فى البحرين
الحاجز - انتاج ١٩٩٠
وعرض فى تلك المناسبة
أرض الأحلام / سمع هس /حب فى الثلاجة
آيس كريم فى جليم / ليه يا بنفسج / سيداتى آنساتى
الهروب / أحلام هند وكاميليا

يبدء اليوم أحمد رشوان تصوير أول أفلامه الروائية الطويلة
١٠٠٪ حى
واليوم ايضا عيد ميلاده الثامن والثلاثون
وكم يسعدنى ان يحقق رشوان حلمه وكم اتمنى له النجاح
الذى يستحقه فمشواره من كلية الحقوق الى معهد السينما
ولم تتوقف محاولاته سواء بداية بالنقد أواكتساب الخبرة
بالعمل فى الأفلام كمساعد أو اخراجه أفلام
قصيرة كانت أو تسجيلية
دائما متفائل وبداخله شحنة من الإصرار
يجنى ثمارها اليوم
والى اللقاء

Monday, October 22, 2007

Abu Dhabi Film Festival

الصبى فى أفيش مهرجان أبو ظبى هو بطل استعراض حفل
الإفتتاح مثل الصبى فى فيلم Cinema Paradiso
مسحور بما يراه على الشاشة من شباك حجرة آلة العرض
هنا على خشبة المسرح حاملا قطعة من القماش يربط حافة كل طرف على نخلة لتصبح شاشة صغيرة تأخذه الى عالم السينماالذى يتجسد فى لقطات على اكثر من شاشة اكبر واستعراض حى يتغير حوله من رقصة الى أخرى ومن زمن الى آخر . وهو استعراض متدفق و ذكى ومثير وجميل.
الى ان أغرب الغرائب ان يعاد هذا الإستعراض تقديمه
مرة أخرى بحذافيره فى حفل الختام ما عدا فقرة رقصة خليجية أضيفت فى منتصفه كما لو كان قد غفل عنها فى حفل الإفتتاح. وتهيأ لى مثل فى السينما قرروا كلاكيت تانى مره.
حضورى المهرجان الشرق الأوسط الدولى الأول بأبو ظبى بالرغم عدم اشتراكى بأى فيلم كان اهتمامى بمؤتمر تمويل الإنتاج السينمائى الذى ألقى هارفى وينستين ما يبدوا كمحاضرة غير انها مجرد دردشة حيث استعان بزميل يوجه له اسئلة متفق عليها بينهم وبها يفتح مواضيع يستطيع هارفى التحدث عنها. ويعد هارفى وينستين وأخيه بوب من أهم المنتجين والموزعين فى أمريكا فهم مؤسسى شركة
المستقلة تم تسميتها نسبا لوالدتهم ميرا ووالدهم ماكس
وقد نالت أفلامهم ب ٦٠ جائزة أوسكار
ومن أفلامهم ساعى البريد / المريض الإنجليزى / الحياة جميلة / شكسبير العاشق / عصابات نيويورك وطبعا أفلام كوينتن تارنتينو. ومفاد اللقاء هو تشجيع عام اكثر من ان يكون توجيه لسبل الإنتاج. واتضح لى ان المؤتمر الذى أعلن عن مسابقة لتقديم أفكار ومشاريع فى الواقع قدمت من قبل
والمسألة كانت مجرد اختيار الفائز . متى اعلن عن المسابقة وأين وكيف .. الله أعلم. وكان معظم المشاريع أوروبية.
واذا فحصنا أفلام المسابقة الرسمية الروائية فهى لأفلام من بلجيكا والدنمارك والولايات المتحدة و أسبانيا و أستراليا والبرازيل وفيتنام و فرنسا و النمسا و انجلترا وفيلم عربى واحد فقط من لبنان. هل هذا بناء على وصف الدولى فى اسم المهرجان وان وصف الشرق الأوسط هو مجرد تحديد مكان اقامة المهرجان ... يبدو ان الأمر كذلك.
الصورة أثناء دردشة هارفى وينسين مع يوسف شريف رزق الله ومخرجة فيلم - راجلها - أيتن أمين
شخصيا بالرغم من سوء التنظيم ورحلة العذاب فى الذهاب عن طريق دبى حيث لم أجد احد فى انتظارى ولا السيارة المفترض توصيلى الى أبو ظبى وبعد ثلاث ساعات انتظار فى مطار دبى استقلبت انا والأستاذ رؤوف توفيق سيارة أجرة للذهاب الى ابو ظبى وهى مسافة تستغرق الساعة والنصف لأكتشف غياب اسمى فى حجوزات الفندق وبعد الإعتذارات إياها استقرت الأمور وأمام كرم الضيافة فى فندق القصر كان لا مفر من
النسيان واكتفيت بمشاهدة الأفلام داخل أو خارج المسابقة
روائية كانت أو تسجيلية ، قصيرة أو طويلة ..
سلطة بلدى /أحمر وأزرق / راجلها
فالسينما هى أفلام أولا وأخيرا
والى اللقاء

Sunday, October 21, 2007

قائد إرهابى

فاجئنى خالد أبو النجا قبل سفرى الى أبو ظبى
بأن خلال شركته
ُTeam cairo
التى أسسها مع صديق أرسل عدة صور لممثلين مصريين
الى وكالة ممثلين تعمل مع فيلم
Body of Lies
كتلة أكاذيب
للمخرج ريدلى سكوت حيث يصور حاليا بالمغرب
ولا أدرى أو حتى يدرى هو كيف كان لى صورة من ضمن
الصور المرسلة وعلى اساسها تم ترشيحى من قبل الوكالة
لدور فى الفيلم واسرع خالد بتصويرى وارسال المقابلة لهم
بعد ان قرئت السيناريو والدور المقترح وهو قائد خلية ارهابية
ما داعبنى فى الفكرة هو مشهدى الأساسى أمام الممثل
ليوناردو دى كابريو والذى أبصق فيه على وجهه
طبعا هذا الكلام سابق لأوانه ولا أعتقد سوف يكونوا جادون
فى اختيارى للدور.. والصورة من تصوير خالد أبو النجا.
والى اللقاء

Thursday, October 11, 2007

عيد سعيد

موسم السفريات
مهرجان أبو ظبى من ١٤ الى ١٩ اكتوبر
مهرجان دمشق من ١ الى ١٠ نوفمبر
فى نيويورك ArtEastمهرجان
من ١٢ الى ١٧ نوفمبر
مهرجان دبى من ٩ الى ١٦ ديسمبر
بالإضافة لتحضير ستانلى
مع ذلك كلما استطعت التدوين سأفعل ذلك
والى اللقاء

Monday, October 8, 2007

ليه الستينات ؟

ليه الستينات ؟
لأنها كانت فترة غنية بشكل كبير
بالذات فى الفنون وبالذات السينما
فى فرنسا ظهرت الموجه الجديدة وأفلام
فرانسواز تروفو / جان لوك جودارد /كلود شابرول
ايريك رومر/ جاك ريفيت/ آنييس فاردا/ جاك ديمى
لويى مال / كلود سوتيه/ ميشيل ديفيل/كلود ليلوش
جان بيير ميلفيل/بيرتراند تافارنيير
وحتى من الأجيال اللى قبل الموجة أفلامهم
كانت فى مرحلة تطور وازدهار أمثال
رينيه كليمونت / آلان رينيه / جاك كلوزو
ومرحلة ابداعات لوى بونويل و روبرت بريسون
والسينما فى انجلترا قدمت
تونى ريتشاردسون/جون شليسنجر/كارل ريز
ليندسى أندرسون/جاك كليتون
ووراهم مايكل وينر/كلايف دونر/بريان فوربس
وبقية أوروبا قدمت
رومان بولانسكى/أندريه فايدا من بولندا
ميلوش فورمان/فيرا شيتيلوفا/جيرى ميزل/ايفان باسر
من شيكوسلوفاكيا
ميكلوس يانسو/استيفان زابو من المجر
كارلوس ساورا من اسبانيا
من السويد انجمار برجمان لمع فى الستينات
بالرغم ان بدء اخراج للسينما فى بداية الخمسينات
وطبعا انا مش ناسى السينما الإيطالية
حتى موجة مخرجين التليفزيون فى أمريكا
ودخولهم السينما ليغيروا جلدها منهم
سيدنى لوميت/جون فرانكهيمر/مارتن ريت
جون كازافيتس/جورج روى هيل
وبقه فيه ما سموه سينما نيويورك لتواجة هوليوود
كل هذه التيارات كانت تصب فى لندن فى الستينات
وفى هذا المناخ دى كانت مدرستى الحقيقية
ظهور البيتلز و الرولنج ستون
المسرح والأدب وحتى الأزياء كلها كانت
جزء من هذه الثورة
شاهدت على المسرح أليك جينيز فى مسرحية "روس"
فى دور لورنس وبعد ذلك لعب دور ملك السعودية فى الفيلم
أو مسرحية " بيلى الكداب " بطولة ألبرت فينى
الفيلم بعد كده قام بالدوز فيه توم كورتنى
وشاهدت ريتشارد هاريس فى " مذكرات مجنون"
شاهدت لورنس أوليفيه فى اكثر من مسرحية ومنهم "الخراتيت" تحت اخراج أورسون ويلز
فتقديم ما يمكن ان اقدمه من هذه الفترة
قبل الدخول فى فترات أخرى
أعتقد شيئ طبيعى وأتعشم مفيد
المهم الوقت المتاح وبعض من الطاقة
والى اللقاء


بما ان السينما الإيطاليه على البال
وخطر لى ٤ أفلام لمخرجين مختلفين وبالرغم ان منهم اللى شفت له اكتر من فيلم الا ان الفيلم اللى اخترته له أو لها
عشان هوه اللى قاعد ولابد فى الذاكرة وكام من أفلام بتقع
فى وادى النسيان لأن أكيد مسبتش حاجة جوايا أو انعشت
خيالى كفايه.

أنطونيو الوجيه iL Bell' Antonio
اخراج مورو بولونينى / ١٩٦٠
فى احدى مدن جزيرة صقليه بإيطاليا يقع الشاب الوجيه أنطونيو (مارشيلو ماستروينى) فى غرام جنونى مع باربارا
التى تسحره بجمالها الملائكى لدرجة ان وفى ليلة زفافه عليها يعجز عن ممارسة الجنس وتمر الأيام على نفس الحال
الى ان تكتشف العائلة الأمر وتصبح فضيحة بالمدينه
وعار لعائلة أنطونيو الذى يعتكف ببيت أسرته وبعد فترة
تكتشف الأسرة ان الخادمة حامل من أنطونيو وفى سعادة
هيستيرية تعلن العائلة عن رجولة أنطونيو على سكان الحى
وفى شوارع المدينة بينما أنطونيو يقف خلف زجاج النافذة ودموعه تسيل من عينيه.

السحالى i Basilischi
اخراج لينا وورتمولر / ١٩٦٣
أتذكر بوضوح لقطة شاريو مع احدى الشخصيات فى شارع
مارا بسيدة تسقط من نافذة والكاميرا لا تعود الى السيدة
والشخصية لا تلتفت وكأن ما مر من أمام الكاميرا لم يكن.
لحظة ربما عبث وربما تعكس المدينة الصغيرة التى تحترق
تحت الشمس ..لقطة ظلت فى الذاكرة حتى اليوم. هذا الفيلم
هو أول اعمال المخرجة التى عملت مع فيلينى كمساعدة انتاج
فى احدى أفلامه قبل الفيلم وقبل ان تشتهر عالميا بعدة أفلام
اخرى ورشحت فى مرة للأوسكار. إلا ان هذا الفيلم الذى
يتجاهله أهميته مؤرخين السينما والذى واضح تأثرها بفيلينى
إلا انه ذو سحر خاص ومرة أخرى اختيار صقلية يضيف
للعزلة التى يعانى منها أبطال الفيلم. فمثل فيلم فيلينى
- الصايعين - سحالى هذا الفيلم هم أيضا شباب أصدقاء
يعيشون فى فراغ بأحلام الهروب .

تحرى مواطن فوق الشبهات
Investigation of a Citzen Above Suspecion
اخراج إيليو بيترى / ١٩٧٠
بالرغم ان هذا الفيلم حاز على أوسكار أحسن فيلم أجنبى
الا انه حتى الآن لم يصدر نسخة فيديو أو دى.فى.دى
وهو من الأفلام التى اتشوق الى مشاهدتها مرة أخرى.
وهو يدور علن ضابط مباحث يقتل عشيقته ويتعمد بترك ورائه
الأدلة التى تشير اليه ولكن دون جدوى.

البوفيه الكبير La Grande Bouffe
اخراج ماركو فيرارى / ١٩٧٣
فيلم جرئ فى تناوله لأربع أصدقاء ، طيار وقاضى ومدير فى
التليفزيون وشيف شهير يقررو ان يعزلوا أنفسهم بإحدى
الفيلات مع اثنان موميسات ويتفنون فى تناول الأطعمة حتى
الموت. عبثية الفكرة ورائها رؤية ساخرة نحو المجتمع الرأسمالى. من الصعب نسيانه.

Sunday, October 7, 2007


السينما الإيطاليه عموما لها عندى مكانة خاصة جدا
واذا كان أنطونيونى أشعل جوايا لهيب الإخراج
ففيلينى ودى سيكا و بولونينى وجيرمى
فى الستينات بالذات حركوا مشاعرى
ولو ذكرت المايسترو فيديريكو فيلينى
فعلى طول ثلاث أفلام أبيض وأسود
بيظهروا قدامى

الصايعين i vitelloni
ده كان تالت فيلم روائى عام ١٩٥٣ عن خمس أصحاب
وعواطلية بإحدى المدن الساحلية الصغيرة
منهم اللى لسه أهله بيصرف عليه
فيهم المثقف غاوى يكتب مسرحيات
واللى عايش مع أخته على علاقة براجل متجوز
واللى موهوب فى المزيكا و أصغرهم عايش فى الأحلام
وأخته واقعة فى غرام زعيمهم بالرغم انه زير نساء
كلهم بيحلموا بالهروب
وأصغرهم هو الوحيد فيهم اللى بيهاجر من المدينة الصغيرة
فى طريقه يحقق أحلامه فى روما
وملامح أفلام فيلينى اللى بعد كده موجوده هنا سواء
حفل زفاف أو كرنفال أو مسابقه أو البحر أو محطة القطار

ليالى كابيريا La Notte de Cabiria
بالرغم ان فيلينى أخرج فيلمين طوال بين الصايعين
وكابيريا اللى أنا بأحب كابيريا اكتر واحد فيهم
كل من الطريق La Strada و النصابين il Bidone
فى نظرى تمهيد ل ليالى كابيريا
الطريق و النصابين واعتمادالسينما الإيطالية فى تلك المرحلة على نجوم السينما الأمريكان استعان فيلينى
ب إنطونى كوين و ريتشارد بيزهارت فى الطريق
و برودريك كروفورد فى النصابين
وو اللجوء الىالدوبلاج المزعج بيفقدهم حيوية ما
أما ليلي كابيريا اللى اخرجه عام ١٩٥٧
وبطولة زوجته جوليتا ماسينا
فكان طليانى لحم ودم
قصة مومس غلبانه بنشوفها أول الفيلم مع حبيبها
اللى بيزقها عشان تقع فى الترعة ويهرب بمشنطتها
فتوعد كابيريا روحها انها مش حتحب تانى
ولما تسيب الكوخ اللى عايشه فيه عشان تدور على
رزقها فى شوارع روما بيلقطها نجم سينما من باب
التسليه خاصة انه متخانق مع حبيبته
فى النهاية كابيريا بتتخم براجل بيعرض عليها الجواز
وتكتشف بعد ما باعت الكوخ على أمل السفر معاه
انه نصاب تانى وكان بيفكر فى لحظة يقتلها
جوليتا ماسينا حازت على جائزة التمثيل فى كان
والأمريكان حولوا الفيلم الى مسرحية موسيقية
وغيرو اسمها من كابيريا الى شاراتى
شاراتى الحلوه Sweet Charity
وده كان سنة ١٩٦٥ وبعديها بتلات سنين عملوها فيلم بطولة شيرلى ماكلين

الحياة الحلوة La Dolce Vita
بالنسبة لى هى تحفة فيلينى عن رحلة صحفى فى المدينة يبحث عن أى خبر فنى ياكل بيه عيش
ليكشف لنا فيلينى تناقدات مجتمع بحاله
يكفى لقطة افتتاحية الفيلم لهيلكوبتر تحلق فوق المدينة
يتدلى منها تمثال لسيدنا المسيح فاردا ذراعيه
أو المشهد الختامى على شاطئ البحر
الفيلم حصل على جائزة كان الكبرى ١٩٦٠

حول أفضل الأفلام

الظاهر مدونة أحسن ١٠٠ فيلم أجنبى
لاقت استحسان كبير من بعض المتابعين
وبيطلب منى قائمة شخصية لأحسن حتى ١٠ أفلام فقط
ده مستحيل لإنى بإختصار شديد
مدمن أفلام
من أيام لما كنت ساكن فى أرض شريف
قدام سينماتين صيفى
كرنك و بارادى
اللى كل سينما بتعرض فيلمان كل اسبوع
معناة على الأقل مشاهدة ٤ أفلام فى الأسبوع
ده غير أفلام فى سينمات تانيه
ولو قلتلكم انى شاهدت على الأقل عشرة آلاف فيلم حتى الآن
مش حتصدقونى .. بس دى الحقيقة
قبل ما أسافر لندن للدراسة كنت أنا وصديقى منذ الطفولة
مديرالتصوير سعيد شيمى
كل واحد فينا عنده كشكول يلزق فيه أفيشات الأفلام
اللى شفناها بعد قصها من الجرايد أيام الطبع الكحيان
ونحط نجوم مع كل فيلم حسب اعجابنى بيه
واستمريت فى هذه الهواية حتى أواخر السبعينات
وطبعا فى لندن الكشاكيل بقت أحسن والأفيشات
من المجلات كانت أرقى
ولغاية لما عدت الى مصر فى ١٩٧٧ كنت شايف
تقريبا خمسة آلاف فيلم لإنى كنت بأنمر الأفلام
حسب ترتيب مشاهدتهم
وفى لندن كنت بشوف كل الأفلام الحلوة والوحشة
ولما ضاعت منى مكتبتى ومن ضمنها الكشاكيل
بسبب اعتمادى على شخص تركت لها مسؤولية
الشحن وبعترت الفلوس اللى سبتها معاها
ومن ضمن الحجات اللى ضاعت
ألبومات الصور الخاصة وكانت مأساة
طبعا الجبانه ما قلتش حاجة وشركة الشحن
بعد لما خزنت الحجات مدة معينة تخلصت منها
والكتب ممكن اتباعت تانى والكشاكيل أكيد اترمت
فى الزبالة وألبومات الصور أكيد انتهت فى
محلات الأنتيكة أو على احدى الأرصفة
والكارثة دى سببت لى اكتئاب لمدة طويلة
لدرجة انى بطلت آخد صور فوتغرافيا لمدة
لغاية ما عدت لطبيعتى
ففى الألبومات اللى ضاعت صور عائليه قديمة
وصور ابنى لما اتولد
بس اتعلمت حاجة مهمة من المأساة
ان ملكية الأشياء قابلة للزوال زى كل شيئ
والإستمرارية هى الأهم
عشان كده رقم العشرة آلاف فيلم تقريبا
مش فشرة أبدا
وفكرت ان يمكن كل فترة أخصص مدونة
لأفضل مثلا اتنين أو تلات أفلام لمخرج معين
وطبعا ده حيكون تذوقى الشخصى
وعنوان برقم تسلسلى فلنقل
أفضل الأفلام التى شاهدتها
My Favourite Films
وده أحسن طريقة لإن بمجرد مثلا ذكر اسم مخرج
تلاقى عناوين أفلامه اللى شفتها واللى ماشفتهاش
بتطلعلى من قمقم المخ زى الجن من المصباح السحرى
ولو سألنى شبيك لبيك
حأقوله ابعد الزهايمر عنى ربنا يخليك
والى اللقاء

Saturday, October 6, 2007


سرب المسلسلات الذى هجم علينا
رمضان هذا العام مخيف
تشوف ايه ولا ايه ولا ايه
أنا قررت أتابع مسلسل واحد فقط
هذا بعد ان عديت على ربع ولا نص حلقة لكام مسلسل
ومع غياب الإهتمام فى الصحافة بالسينما
طوال هذا الشهر الكريم
كأن السينما بقت حرام والتليفزيون حلال
واذا كانت الحجة ان عدد قليل من السينمات
بتعرض أفلام فى رمضان
فدى حجة البليد لإن الكتابة عن السينما
مش بالضرورى عن أفلام معروضة فقط
والحمد لله صفحة السينما فى جريدة الحياة
كل يوم جمعة مستمرة
وعلى آخر الشهر حنلاقى الجرايد والمجلات
معندهاش إلا استفتائات عن احسن مسلسل
وممثل ومخرج ومؤلف وآراء المشاهير
واكتشفت ان المسلسل اللى اخترت اتابعه
أقل مسلسل بيتكتب عنه ويمكن حتى بيتشاف
وبقيت زى اللى يخالف يعرف بين أصحابى
وأى عزومة سحور ماروحش إلا بعد ما شوف المسلسل
لإن العازمين غالبا حيشوفوا مسلسل تانى
ولو أنا اللى عازم ما بتنازلش عن متابعة مسلسلى

متابعة ملحمة المصراوية - جزء أول -
سحبنى حبة حبة بالذات
شخصية العمدة اللى ورث العمودية
أو استولى عليها وطموحاته المتشعبة
فهل هو
نموذج لولادة طاغية
مين عارف
وكتابة أسامة أنور عكاشة
مهما ادعى فى حواراته عن المسلسل
منقوعة فى السياسة
وهشام سليم شارب الشخصية حتى النخاع
بأداء مذهل وناضج
طبعا زى ما اعتدنا فى مسلسلاتنا
لزوم المط أحيانا لا هروب منه
وكاميرا اسماعيل عبد الحافظ
لا تزال فى سن المراهقة
طالعه نازله داخله زوم خارجه زوم
دايخه يمين ولا شمال
والواحد يقول معهلش لإن النص هوه المهم
ويستحق شوية صبر بالرغم من نزناز
إعلانات الشيكولاته والمأكولات والموبايلات
والمقاولات والروائح بعد كل مشهد تقريبا
والصراحة كان أحق للتليفزيون المصرى
انه يعرض مسلسل مصرى قوى زى ده
بس تقول لمين بقه
والى اللقاء

Friday, October 5, 2007


حكاية أحسن ١٠٠ فيلم
دايما مسألة تذوق اكثر من مجرد تقييم
ومؤخرا في مدونة ل إدوارد كوبلاند
عمل مجهود كبير فى شكل ترشيحات وانتخابات
ليصل الى احسن ١٠٠ فيلم أجنبى
أى بالنسبه له غير ناطق بالإنجليزية
والمسلى فى القائمة بالنسبة لى
هو كم فيلم منهم شاهدته بالفعل
ووجدت ٧٨ فيلم من ال ١٠٠
نسبة مش بطالة أبدا
وعملت احصائية بالنسبة لبعض المخرجين
فكان أعلى نصيب لليابانى أكيرا كوروساوا
والسويدى انجمار برجمان
٧ أفلام لكل منهم
٥ أفلام لكل من جودارد و فيلينى
٤ أفلام لكل من بونويل و كيزلوسكى و تروفو
فيلمان فقط لكل من آلان رينيه و ألماندوفار و دى سيكا
و أنطونيونى و بريسون
وفيلم واحد لبازولينى
طبعا دول مش كل المخرجين فى القائمة
و طبعا فيه أفلام مش موجودة فى القائمة
اعتبرهم يستحقوا يكونوا فيها بس زى ما قلت
كلها مسألة تذوق
للمهتمين هذا هو العنوان الإلكترونى للقائمة
وتستحق نظرة وحتى الحفاظ على نسخة
كفاية صورة من كل فيلم
ومن الممكن تختبر نفسك
كام فيلم منهم شفته


Thursday, October 4, 2007

الشاب المخضرم

كم يضحكنى أحيانا ويستفزنى أحيانا اخرى
حين أوصف من النقاد بالمخرج الشاب أحيانا
والمخرج المخضرم أحيانا اخرى
وأتسائل هل من الضرورى إضافة صفة
على صفة مخرج فقط
وهل صفة شاب أو مخضرم لها أى صلة
بالفيلم الذى يقدمه مخرجه
والواقع اننى لم أعد شاب ولست بمخضرم
يكفينى اننى مخرج أولا وأخيرا
فوصفى بالشاب أو المخضرم
هو فى حد ذاته وصف عنصرى
بمعنى ان ربط وصف مخرج حسب سنوات عمره
أو سنوات عمله أو عدد أفلامه
هو تحريض غير مباشر نحو تقييمه كمخرج
وبالمثل تأكيد خضرمته اذا صح التعبير
تحريض آخر نحو تقييمه بتأكيد أقدميته
أو وضع تاريخه حسب عدد أفلامه فى الإعتبار
واذا فتحنا باب الوصف على مزراحه فلماذا
لا يكون هناك المخرج المتصابى
أو المتخضرم أو أبو عين واحده أو عوره
أو المخرج الأعرج وهناك مثلا
المخرجة الحلوة أو الشقراء أو و أو وأو
الواقع ان شاب أو مخضرم
فالإبداع ليس له عمر محدد
والمبدع لا يحمل تاريخه فوق ظهره
لإن اخراج كل فيلم كل مرة
مشوار خاص بيه وبفيلمه
ومرفق لحضارتكم صورتين لى
شاب والأخرى مخضرم خالص
والى اللقاء

مهرجان الفيلم العربى

حزنت جدا من خبر قرار معهد العالم العربى فى باريس إلغاء مهرجانه السينمائى الذى رافقته منذ بداياته مع الصديق الراحل غسان عبد الخالق حين أسسه مع ماجده واصف
ومجموعة من المساعدين : كاثرين آرنو / دينا حيدر /
فلورنس بورى / سعيد خليفه
اللذين يستحقوا أيضا ان اذكرهم
ومع معاناتهم عام بعد الآخر فى تأمين تمويل للمهرجان
توقف الى ان تبناه معهد العالم العربى
وأقام أول مهرجان تحت رعايته عام ١٩٩٢
على ان يقام كل سنتين

وتولت ماجده واصف ادارته بعد تعينها بالمعهد
وانسحب غسان عبد الخالق
واليوم تخلى المعهد كليا عن المهرجان
يثير التساؤلات بين توقيت هذا القرار المفاجىء واتجاه النظام
السياسى الجديد بفرنسا
واذا كان مهراجانى قرطاج ودمشق بالتبادل السنوى المتفق
عليه كانوا ولا يزالوا لهم دور فعال فى جمع شمل بعض أعمال السينمائيين العرب الى جانب القاهرة وتطوان ومراكش وروتردام ومؤخرا وهران بالجزائر
واليوم مع نمو واستمرارية مهرجان دبى بدورته الرابعة
فى ديسمبر المقبل وأبو ظبى على وشك افتتاح دورته الأولى هذا الشهر .. هى مهرجانات لا تكتفى بجمع شمل
السينمائيين العرب بل تهدف لسد الفجوات الثقافيه بين الشرق
والغرب وتشجيع نهوض سينما أمارتيه كما أكدته دبى
وايجاد سبل تمويل وتوزيع أوسع لمشروعات طموحه
مفتوحه لجميع السينمائيين العرب كما أعلن مهرجان أبو ظبى
كل هذا يؤكد أهمية هذه المهرجانات لتصبح بمثابة نوافذ مطلة
على العالم وأبواب مفتوحة للمواهب العربيه كى تزدهر.
والى اللقاء

Monday, October 1, 2007

حول كليفتى

فكرة أى فيلم عندى تنمو تدريجيا وأحيانا كثيرة أهجرها ثم أعود اليها بعد انجاز فيلم آخر وهذا ما حدث مع فكرة فيلم
كليفتى Klephty
ذات الإسم الذى اطلقته على كلب لابرادور ظهر فى الفيلم
بعد ذلك وعنوان لمدونتى. ومعنى الكلمة مشتق عن اللاتينى
وبالتالى من اليونانيين أيام مصر الكوزموبوليتان هو اللص
ولكن تداول الكلمة فى حياتنا اليوميه كان فى شكل اتهام أحيانا أو مداعبة أو سخرية ـ مثلا يا واد يا كليفتى يجوز القصد بها يا واد يا بكاش أو يا واد يا نصاب أو اتهام مباشر يا واد يا حرامى وبذور الفكرة نشأ من المناخ حولى والجهد المتواصل لتجنب النصب من بائع الفاكهة والمفعص أسفل الكيس أو سواق التاكسى والمبالغة فى الأجر أو الموظف والإبتزاز من اجل رشوة أو الصنايعى ووعوده الكاذبة لإنهاء الشغلانه اللى فى ايده أو و أو وأو بلا نهاية.
وفى عام ١٩٩٦ كنت عضو فى لجنة تحكيم أيام قرطاج السينمائية بتونس ومن ضمن الأفلام المشتركه فى المسابقة فيلم أسامة فوزى الجميل - عفاريت الأسفلت ـ وتعرفت على مؤلف الفيلم مصطفى ذكرى وفى احدى المرات ونحن فى بهو الفندق يتناول هو فنجهان قهوة ويوقع فى الحساب برقم غرفته اعترف لى انه نزيل فى فندق آخر فقلت لنفسى الواد ده كليفتى
وأنسب واحد لكتابة سيناريو الفيلم. وتبادلنا أرقام التليفونات
على ان نلتقى فى القاهرة.
فى تلك الفترة كنت مستأجر مكتب فى العجوزة بالدور الأرضى
عبارة عن غرفتين وصالة صغيرة والإيجار متواضع لإن صديق لى كان يقطن فى نفس العمارة وتوصت لى مع صاحبها.
واللى كرهنى فى المكان هى الحروب اليومية مع الصراصير
وتطورت مع عائلة من الفئران. ولا أبالغ القول ان يوميا هناك
لمثر من ١٠ شهداء من الصراصير أما الفئران فكانت معركة حزينة انتهت بمقتل عائلة كاملة تتكون من ٥ فيران. الفار الأخير واجهته فى الحمام وكانت هناك لحظة تحدى بينى وبين الفار الصغير فى العيلة التقت فيها اعيننا وساد الصمت و التأهب استغليته فى التقاط عصا المقشة فى انتظار أى حركة الى ان قرر الفار المسكين المجازفة بحياته واسرع محاولا الإفلات من بين ساقى حيث كنت واقف سادد باب الحمام وبرد فعل الساموراى هبطت المقشة بسرعة البرق لتنهى المعركة وأعلن انتصارى. أما الصراير ففى النهاية هم اللذين انتصروا وأرغمونى ترك المكان الذى استأجره من بعدى أحمد رشوان بعد ان قمت أنا هذه المرة بالتوصية مع صاحب العمارة.
قابلت مصطفى ذكرى اكثر من مرة احاول اقناعه بفكرة كليفتى ولكنه أصر انه يفضل فكرة اخرى ووافقت فى النهاية لإنه ابدى حاجته ان يكون هو مصدرا للفكرة وابدى ايضا حاجته للمال فلم اعترض وفى خلال شهرين تقريبا حصل منى على اجمالى مبلغ ثلاثة آلاف جنيها وفجأة توقف عن الكتابة وحين طاردته كى يستمر كان رده ان ال١٧ مشهد الذى كتبهم فى ٥٦ صفحة بخط يده ثمنهم الثلاثة آلاف جنيه. وصعقت من منطقه خاصة انهم مشاهد بداية فكرة دون وسط أو نهاية
واعتبرته واد كليفتى بمعنى الكلمة وانتهى الموضوع.
فى تلك المرحلة بدء اهتمامى الكبير بعالم الديجتال وبالفعل اشتريت فى ١٩٩٧ كاميرا ديجتال
Sony VX9000
وكان أحمد زكى عرض على مشروع فيلم السادات وبدايات
السيناريو مع عدد من الكتاب ومقابلاتى مع أفراد الأسرة
الى ان اتهمنى احمد بأننى لا أبذل جهد كافى فقررت ترك المشروع وكنت مطلوب فى كثير من الإعلانات وفى عام
١٩٩٨ قبلت عرض اخراج فوازير شاريهان بالمشاركة مع
خيرى بشارة وسافرنا الى براغ حيث مضينا ٨ أشهر نعد الجرافيك الى ان ألغى المشروع ككل وطلب منى مرة أخرى اخراج فيلم السادات.
فى صيف ٢٠٠١ وفى جنازة سعاد حسنى (الله يرحمها)
تعرفت على محمد ناصر على وذهبنا مع خيرى بشارة والمخرج السورى محمد ملص لتناول القهوة بإحدى الكافيتريات
وفى الطريق بدأت آعرض فكرة كليفتى على محمد ناصر الذى تحمس لها وفى النهاية شاركنى السيناريو وكتب هو الحوار وتم تنفيذ الفيلم بذات الكاميرا التى اشتريتها منذ ٥ سنوات.
والى اللقاء